Бокс бўйича Қозоғистон терма жамоаси бош мураббийи ЖЧ-2023 қуръа натижаларига муносабат билдирди

— Йигитларимиз қура ташлашнинг ҳар қандай натижасига тайёр эдилар. Биз яхши тайёргарлик кўрганмиз. Турнир нима мақсадда ўтказилаётганини ҳамма билади. Бугун -60 кг вазнда Талгат Сиримбетов ва -92 кг вазнда Айбек Оралбай биринчи бўлиб ўзбек рингига кўтарилади. Умид қиламизки, улар вазифани муваффақиятли бажара олишади. Рингга биринчи бўлиб чиқиш ҳар доим катта масъулиятдир. Турнирни ғалаба билан бошлашимизга ва яхши натижалар кўрсатишимизга ишонаман.

- Тошкентдаги жаҳон чемпионатининг ташкилий савиясини қандай баҳолайсиз? Маълумки, ғалаба учун катта мукофот пуллари тайинланган.

— Турнир юқори савияда ўтмоқда, деб ўйлайман. Унда 107 давлат, 600 дан ортиқ боксчилар иштирок этмоқда. Ҳамма жуда жиддий тайёргарлик кўргани сезиляпти. Биз учун асосийси молиявий масала эмас, балки мамлакат шарафини муносиб ҳимоя қилишдир. Шундай экан, ғалаба қозониш учун бор кучимизни ишга соламиз.

- Камшибек Конкабаев турнирнинг илк баҳсида россиялик Алексей Дроновга қарши рингга кўтарилади. Ушбу қарама-қаршиликдан нима кутяпсиз?

— Биз Дроновни яхши биламиз. У Россия катта умид боғлаган ёш спортчилардан бири.