Бокс. Шавкатжон Болтаев камбэк амалга ошириб, ЖЧ учинчи босқичига йўл олди

Бугун мусобақа доирасида -70 кг вазнли боксчимиз Шавкатжон Болтаев иккинчи жангини ўтказди. Ушбу жангда боксчимизга Испания вакили Барнад Мартинез рақиблик қилди. 

Тўлиқ давом этган жангда боксчимиз 3:0 ҳисобида ғалабага эришиб, учинчи босқичга йўл олди. Икки нафар ҳакам эса дуранг қайд этди.

Қайд этиш лозимки, Болтаев 1-раундда имкониятни бой берганди. 2-раундда эса рақибини нокдаун ҳолатига туширган ҳолда, вазиятни ўз томонига оғдира олди.

Боксчимиз мусобақадаги илк жангида швециялик боксчини мағлубиятга учратганди. 

Бугун шунингдек яна 5 нафар боксчимиз рингга кўтарилади.