11 май 16:54
Янгиликлар
![](/upload/storage/67081_220.jpg)
Бокс юлдузларидан йилнинг энг ёқимли акцияси ФОТО
"Top Rank" ҳамда бир қатор мексикалик боксчилар йилнинг энг ёқимли акциясини уюштиришди. Гап шундаки, Мигель Берчельт (Иккинчи енгил вазн тоифасида WBC камари соҳиби), Эмануэль Наваррете (енгил вазнда WBО камари соҳиби) ва Франсиско Варгас (собиқ жаҳон чемпиони) Аризонадаги маҳаллий "Diamond" касалхонасига ташриф буюриб, касал болакайларга совғалар улашди.
Боксчилар беморлар билан суҳбатлашишди, уларга юмшоқ ўйинчоқлар совга қилишди, камарларини кўрсатишди. Бундай учрашувлар боксчиларга ҳам манзур келди.
"Бундай тадбирлар бизга катта иштиёқ беради. Болалар ҳаёти учун курашаётганини ўз кўзимиз билан кўрдик. Улар ҳақиқий жангчи, буюк жангчилар. Улар бизга куч беради. Мен уларни ҳар бирини рингда кўз олдимга келтираман, улар менга куч беришади", - деди Берчельт.
Маълумот учун, якшанба оқшомида Берчельт ҳимоя жангини Варгасга қарши рингга кўтарилади, Наваррете эса африкалик Айзек Догбога қарши жанг қилади.
Фикрлар
...