12 июл 13:00
Янгиликлар

Бокс/ММА

Боксчиларимиз Кореяга йўл олишди, улардан бири камар учун рингга чиқади

Теглар : Фавзул Мунаввар Шаҳзодбек Шаробиддинов

"Фавзул Мунаввар" промоутерлик клуби боксчилари Корея Республикаси пойтахти Сеул шаҳрига жўнаб кетишди.

Муҳаммадюсуф Нажмиддинов мураббийлигидаги чарм қўлқоп усталаримиз 29 июль куни FW1 промоутерлик компанияси томонидан ташкил этилаётган профессионал бокс кечасида ўз жангларини ўтказишади.

Эътиборлиси, оқшомнинг марказий жангида ҳамюртимиз Шаҳзодбек Шаробиддинов (5-1) кореялик Сон Кван Лига қарши рингга кўтарилади. Ўн икки раундлик жанг ғолиби WBA Asia камарига эга бўлади.

Шунингдек, Кореядаги бокс кечасида боксчиларимиздан Ҳусниддин Мараимов, Дониёрбек Ҳайиталиев, Шаҳбозбек Толибжонов, Сирожбек Исмоилов ва Довруғбек Ибрагимовлар ҳам ўз жангларини ўтказишади.

Боксчиларимиз эртадан Осиё ўйинларига тайёргарлик кўраётган Корея терма жамоаси билан бирга қўшма машғулотларни бошлашади.