16 авг 16:44
Янгиликлар
Бокс/ММА, Токио-2020
Боксчиларимизнинг бугунги иштирокини Фазлиддин бошлаб беради
Бугун Рио Олимпиадасининг 11-кунги баҳсларида уч нафар чарм қўлқоп устамиз ўз жангларини ўтказади.
Боксчиларимизнинг бугунги иштирокини Фазлиддин Ғоибназаров бошлаб беради. -64 кг вазн тоифасидаги ҳамюртимиз чорак финал баҳсида АҚШ боксчиси Гарри Расселга қарши рингга кўтарилади.
Ушбу жанг Тошкент вақти билан соат 20:15да бошланиши режалаштирилган. Жанг ғолиби Олимпиаданинг камида бронза медалини нақд қилиб қўяди. Ғоибназаров илк босқичда конголик Дивал Малонгони, иккинчи даврада ҳиндистонлик Манож Кумарни катта устунлик билан мағлуб этганди.
Фазлиддиннинг бугунги рақиби Гарри Антуан Рассел аввалига гаитилик Хитчинс Ричардсонни, кейин амалдаги Осиё чемпиони, Осиё ўйинлари ғолиби, жаҳон чемпионати бронза медал совриндори таиландик Вуттичай Масукни 2:1 ҳисобида таслим этди.
Ҳавола :
Манба : olamsport.com
Ўхшаш янгиликлар
07:43
Расман! Муҳиддин Мамажонов Тошкентда Octagon Leagua чемпионлик камари учун жанг қилади (ПОСТЕР) 0
Фикрлар