Боксчиларимизнинг Осиё чемпионатидаги юриши бошланди

U19 ва U23 ёш тоифасидаги қитъа биринчилигининг илк куни терма жамоамизнинг 4 нафар вакили рингга чиқиши режалаштирилган эди. Бироз аввал улардан икки нафари ўз жангларини ғалаба билан якунлади.  

Дастлаб -50 кг вазн тоифасидаги боксчимиз Амирбек Исмоилов ҳиндистонлик Вишванат Сурешга 0:5 ҳисобида имкониятни бой бериб қўйди. Илҳомжон Эргашев эса қатарлик Файсал Моҳамедга қарши рингга чиқди. Биринчи раунддан кейин Файсалнинг мураббийлари жангни давом эттирмасликка қарор қилишди.

Бироздан сўнг, аниқроғи, 15:00да -55 кг вазндаги боксчимиз Фарёзбек Дўсматов филиппинлик Элжай Памисага қарши жанг ўтказади. Фарёзбек Ҳасанбой Дўсматовнинг укаси ҳисобланади. Соат 17:15да бошланажак яна бир жангда эса -60 кг вазн тоифаси вакили Абдураҳмон Маҳмуджонов мўғулистонлик Дулгуунсаихан Харху билан ҳисоб-китоб қилади.