09 фев 17:54
Янгиликлар

Дзюдо

Болтабоев 1/4 финалда амалдаги жаҳон чемпиони билан беллашади

-81 кг вазн тоифасида юртимиз шарафини ҳимоя қилаётган иккинчи дзюдочимиз Шарофиддин Болтабоев чорак финал йўлланмасини қўлга киритди.

Шарофиддин нимчорак финал беллашувида жаҳон чемпионатларининг икки карра бронза медали совриндори озарбайжонлик Хидаят Хейдаровга қарши баҳс олиб борди ва кучли рақибини қўшимча бўлимда мағлуб этишнинг уддасидан чиқди.

Энди Болтабоевни чорак финалда жиддий рақиб кутиб турибди. Дзюдочимиз амалдаги жаҳон чемпиони, рейтинг пешқадами исроиллик Саги Мукига қарши татамига чиқади.