19 мар 16:23
Янгиликлар

Бокс/ММА

BООООООМ. UFC юлдузи Bellator'да жанг қилиши мумкин

Америкалик аралаш яккакурашлар устаси Нейт Диаз Bellator промоушенида жанг қилишни хоҳлаётганини маълум қилди.

"Мен апрель ойида Гавайида бўлиб ўтадиган, дўстим Янси Медейро жанг қиладиган Bellator 279 турнирида иштирок этишга ҳаракат қиляпман", - деб ёзган Диаз ўз твиттер саҳифасида.

Эслатиб ўтамиз, Диаз сўнгги жангини 2021 йил июнь ойида Леон Эдвардсга қарши ўтказган ва ҳакамлар қарори билан жангни бой берган. Яқинда Нейт ҳамюрти Дастин Порье билан жангга тайёрлигини билдирганди. Шунингдек, UFC собиқ жангчиси Чейл Соннен Диаз ва икки вазн тоифасида UFC собиқ чемпиони, ирландиялик Конор Макгрегор ўртасида учинчи жанг ташкил этилиши мумкинлиги ҳақидаги миш-мишларга ишонишини айтганди.