08 июл 08:14
Янгиликлар

Бокс/ММА

Дастин Порье икки рақиб учун фаолиятини давом эттиришга тайёр

Бир йил олдин фаолиятини якунлаган Дастин Порье ҳали ҳануз UFC билан шартномага эга бўлиб турибди ва икки жанг учун октагонга қайтиши ҳам мумкин.

"Менда ҳали ҳам UFC билан шартнома бор, шунинг учун менинг қайтишим эҳтимоли юқори. Агар менга қачонлардир UFC`дан қўнғироқ қилишса ёки қулай имконият туғилса, буни билиб оламан. Лекин мен Конор билан уришишга тайёр эдим.

Агар кимдир беш йиллик танаффусдан сўнг қайтиб, энг яхши жангчиларни мағлуб этишга қодир бўлса, бу айнан Конордир! У ноёб шахс. У даҳшатли одам бўлишига ва мен уни ёқтирмаслигимга қарамай, Худо унга фавқулодда истеъдод ато этган.

Бундан ташқари, Нейт Диаз бор ва мен кўп йиллардан бери уни дўппослашни хоҳлайман. Биз ҳеч қачон октагонда учрашмаганмиз, шунинг учун бундай жанг учун мен ҳам қайтган бўлардим", - деди америкалик "ONE on ONE MMA"га берган интервьюсида.

Шу дам олиш куни Лас-Вегасда бўлиб ўтадиган UFC 329 турнирида Конор Макгрегор беш йиллик танаффусдан сўнг фаолиятини давом эттиради ва оқшомнинг асосий жангида Макс Холлоуэй билан учрашади.