UZ

Сўнгги янгиликлар

20:46“Great Silk way-2024”. Боксчиларимиз турнирни умумжамоа ҳисобида биринчи ўринда якунлашди 0 19:50Дана Уайт Конор Макгрегорнинг камчилиги ҳақида гапирди 0 19:28Оливейра нима учун Царукян билан жангга рози бўлганини айтди 0 19:06Хавининг дисквалификацияси бўйича апелляция рад этилди 0 18:45Жаҳонгир Нажмиддиновнинг Анвар Азизли билан жанги бўйича берилган апеллация натижаси қандай бўлди? 0 18:23Новак Жокович грунт мавсумга тайёргарликни бошлади 0 18:02Оливейра Царукянга маслаҳат берди 0 17:41Хави «Барселона»да қолиши мумкин, бироқ бош мураббий сифатида эмас 0 17:18Дзюдо. Анталия "Катта Дубулға" турнирига қуръа ташланди, ҳамюртларимизнинг илк рақиблари билан танишинг 0 16:58Нигина Абдураимова Словенияда чорак финалга чиқди 0 16:37Адесанья UFC 305 турнирининг марказий жангида октагонга кўтарилиши мумкин 0 16:16Месси: "ЖЧ-2022да ғолиб бўлмаганимизда, мен терма жамоадан кетардим" 0 15:54Жасур Алижанов МPL 9 нинг санаси ва манзилини очиқлади 0 15:32Тошкентда шахмат бўйича "Георгий Агзамов хотира турнири" старт олди 0 15:11UFC россиялик аралаш яккакураш усталари ўртасидаги қизиқарли жангни эълон қилди 0

17 сен 10:11
Янгиликлар

Хоккей

Бош мураббий ва сардоримиз "Ҳумо"нинг кечаги мағлубиятига изоҳ беришди

Хабарингиз бор, кеча оқшом "Ҳумо" хоккей клуби Қозоғистон Очиқ чемпионатидаги тўртинчи ўйинини ўтказди.

Хоккейчиларимиз муросасиз кечган учрашувда "Горняк" клубига 2:3 ҳисобида имкониятни бой бериб қўйишди. Бир кун аввал бу икки жамоанинг илк ўйинида "Ҳумо" 3:0 ҳисобида зафар қучган эди.

Кечаги ўйиндан сўнг ўтказилган матбуот анжуманида "Ҳумо" клуби бош мураббийи Евгений Попихин ҳамда жамоамиз сардори Игорь Игнатушкин саволларга жавоб беришди. Дастлаб Игнатушкин ўйин ҳақидаги фикрлари билан ўртоқлашди.

- Ўйинни яхши бошладик. Дастлабки ўн дақиқаликда бир нечта қулай вазиятларни юзага келтирдик. Яхши стартни гол билан якунладик. Афсуски, қолган вазиятларни голга айлантира олмадик. Қолган дақиқаларда меҳмонлар устуликка эришишди. Шунга қарамай, баҳс якунида босимни кучайтирдик ва бунинг натижасида ҳисобни тенглаштирдик. Лекин оз қолганида бироз чидай олмадик. Жамоамиз таркиби ёш, балки шу ҳам таъсир қилаётгандир. Барқарорлик ва тажриба етишмаяпти. Хатолардан хулоса чиқарамиз. Ўтказиб юборилган голдан кейин ҳам мувозанатни тиклашимиз мумкин эди. Вазиятлар юзага келтирилди. Кийиниш хонасида йигитлар билан гаплашиб олдик. Олдинда бизни қийин сафар ўйинлари кутиб турибди. Кетма-кет 8 та учрашув ўтказишимиз керак. Қозоғистонда 20 кун қолиб кетамиз. 

- "Горняк"нинг ўйини ҳақида қандай фикрдасиз?

- Алоҳида қайд этадиган жиҳатини кўрмадим. Улар ўз ўйинларини кўрсатишди. Биз ўзимиз уларга имконият тақдим этдик. Ҳисоб 2:1 кўринишига келганидан кейин меҳмонлар ёпилиб олишди ва ҳимоявий ўйин намойиш этишди. Ҳаракат қилиб, ҳисобни тенглаштиришга муваффақ бўлдик. Аммо, бир неча сониялик хотиржамлик бизга қимматга тушди. 


Шундан сўнг Евгений Попихин ҳам ўз фикрлари билан бўлишди.

- Ҳисобда ортда қола туриб, мувозанатни тиклашга эришдик - 2:2. Бу хоккей. Хатолар эвазига мағлубиятлар қабул қилиб олинали, ғалабалар қўлга киритилади. Гоҳида тажрибали ўйинчилар ҳам хатоларга йўл қўйишади. Жамоамиз таркибини турли клублардан таклиф этилган хоккейчилар ҳисобига тўлдирганмиз. Бизга вақт керак. Жамоада секин-аста ўйин тизгинини ўз қўлига оладиган лидерлар шаклланади. Афсуски, ўтган ўйинларда мен ана шу нарсани кўрмадим. Таркибни шакллантириш, ўз ўйинимизни йўлга қўйиш жараёни давом этмоқда. Йигитларнинг характери устида ҳам ишлаяпмиз. Олдинда қиладиган ишларимиз бисёр. Ҳозир боридан фойдаланяпмиз. 


- Инобатга олинмаган икки гол борасида фикрингиз қандай?

- Битта қоида бор - ҳакам ҳар доим ҳақ. Шу сабабдан, бу масалада мен учун гапириш қийин. Биринчи инобатга олинмаган голга қўшиламан. Иккинчисини ҳали кўриб чиқмадим. Ўйин бўйича гапирадиган бўлсам, биринчи бўлимни яхши ўтказдик. Вазиятлар юзага келтирилди, аммо индивидуал маҳорат етишмади. Энг катта камчилигимиз ҳам ҳозирча шу бўлиб турибди. Нима ҳам дердим, бошни баланд кўтарган ҳолда ишлашда давом этамиз. 

Маълумот учун, ҳозирда "Ҳумо" ҳисобида тўрт очко бор. "Горняк" эса ушбу ғалаба орқали очколари сонини тўрттага етказиб олди. Жамоамиз навбатдаги ўйинни 25 сентябрь куни меҳмонда, "Бейбарис"га қарши ўтказади. 

Рейтинг:    

Фикрлар

< сўнгги янгиликларни кўриш

Olamsport ни Facebook да ўқиш
учун "Yoqdi"ни босинг