Бошқарма бошлиғи меҳрибонлик уйи тарбияланувчилари билан учрашди

Юксак эътибор ва ғамхурликлар боис, спортга бўлган ошнолик ҳар қачонгиданда кенг оммалишиб, минглаб истеъдодлар бўй кўрсатмоқда. Жумладан, Тошкент вилоятида ҳам спорт соҳасида қатор ютуқлар қўлга киритилмоқда. Боиси, жисмоний тарбия ва спортни аҳоли орасида кенг тарғиб бўлаётгани, Президентимиз томонидан илгари сурилган бешта муҳим ташаббуснинг иккинчи ташаббуси доирасида назарда тутилган вазифалар ижроси амалда  исботини топмоқда.

Хусусан, Тошкент вилояти жисмоний тарбия ва спорт бошқармаси бошлиғи Комилжон Адилов ҳам  бошқарма тасарруфидаги спорт мактабларида бўлиб, спорт ишларининг аҳволини ўрганиб, белгиланган вазифалар ижросини таъминланаётгани юзасидан атрофилича танишмоқда. 

Шунингдек, бошқарма томонидан вилоятдаги меҳрибонлик уйи тарбияланувчилари ва мактаб-интернатлари ўртасида ҳам спорт мусобақаларини ўтказишни йўлга қўйиш, улар ўртасида соғлом турмуш тарзини кенг оммалаштириш ва иқтидорли спортчиларни саралаш орқали вилоят, республика миллий терма жамоалари  таркибига жалб этиш бўйича чора-тадбирлар ишлаб чиқилган. 

Кеча, 7 февраль куни Комилжон Адилов Нурофшон шаҳрида Чирчиқ шаҳридаги 14- меҳрибонлик уйи тарбияланувчилари билан учрашиб, жисмоний тарбия ва спортнинг аҳамияти хусусида суҳбатлашди. 

Учрашув сўнггида меҳрибонлик уйи тарбияланувчиси, енгил атлетика бўйича икки карра Ўзбекистон чемпиони Надежда Шустованинг муваффақиятларини эътироф этиб, спорт кийимлари ва “Samsung” русумли телевизор совға қилди. 

Илҳом РАҲМОНОВ тайёрлади