Ботир Аҳмедов бугунги жанги олдидан: "Кўпчилик мен билан жанг қилишни хоҳламади"

Бугунги оқшомда рингга чиқадиган ҳамюртларимиздан бири Ботир Аҳмедов жангдан олдинги фикрлари билан ўртоқлашди. Аҳмедов бугун ўзбекистонлик бошқа бир боксчи - Муҳаммадсалим Сотволдиев билан жанг қилади.

"Мен мағлубиятлардан кейин қайтишим керак, гарчи ўзимни мағлубиятга учраганман, деб ҳисобламасам ҳам. Бу "мағлубиятларни" ҳамма кўрди. Албатта, МДҲ мамлакатлари боксчилари учун хорижда, хусусан АҚШда жанг ўтказиш қийин, бироқ томошабинлар менга катта куч бағишлади", — деди Аҳмедов АҚШдаги аввалги мағлубияти ҳақида. 

"Улар ҳақиқатан ҳам мени узоқ олқишлашди, раҳмат айтишди ва мен билан суратга тушишди. Журналистлар жангдан кейин интервью олишди. Мени "ютган" боксчи эса юзи шишиб ўтириб, касалхонага олиб кетилишини кутди. Бу "ғалаба" дегани.

"Бўлажак рақибимга келсак, у жуда яхши боксчи. Сотволдиев хавф туғдиради, у жанг қилишни яхши кўради ва доимо олдинга интилади. Биз режага содиқ қоламиз ва ўз вақтимизни кутамиз. Сотволдиевдан ташқари рақиблик учун яна бир қанча вариантлар бор эди, лекин улар мен билан жангда азоб чекиши мумкин бўлган рекордлари учун қўрқиб, рад этишди. Шунинг учун Муҳаммадсалимга жангни қабул қилгани учун миннатдорчилик билдираман", - деди Аҳмедов.

Маълумот учун, Сочидаги бокс оқшомида Ботир Аҳмедов ва Муҳаммадсалим Сотволдиевдан ташқари, Ҳасанбой Дўсматов ҳамда Фазлиддин Ғоибназаров ҳам рингга кўтарилади.