Ботир Аҳмедов: «Исроил бу жaнгда режа бўйича кўпроқ раундга ишлаши керак»

«Аввалига Исроил бу кардда жанг қилмаслиги керак эди. Кейин шу кард учун таклиф бўлди. Мадримов бироз дам олди. Рақибни кучсизи бўлмайди, ҳамма боксчи, ҳаммани ўзига яраша зарбаси бор. Албатта, Исроилда тажриба катта. Режа бўйича Исроил бу жангда кўпроқ раундга ишлаши керак. 7-8-раунддан кейин нокаутга ҳаракат қилади. Лекин Мадримовни биламиз, зарбалари кучли, 8-раундгача бормаслиги ҳам мумкин. Менимча, 4-раундгача якунланадиган жангга ўхшаяпти. 

КАКА жароҳат туфайли анча вақт танаффусда қолди. Рақибининг жанг қилиш услуби Муроджонникига ўхшайди, зарбаси кучли. Машғулотларда бирга бўлдик. Рингда ким чемпионлигини яна бир бор кўрсатади.  

Спаррингларда Муроджонга ҳам Исроилга ҳам ёрдам бердим. Чунки ҳар иккисининг рақиби чапақай. Спарринг шериклар бўлмаганида мен ёрдамчи бўлдим. Иккала боксчимиз ҳам ажойиб спорт формасида. Жанг кунида буни исботлашади. Уларга ишонамиз ва дуо қиламиз», - деди Аҳмедов Olamsport.com сайти мухбирига берган интервьюсида.