Breaking! Жейк Пол - Жервонта Дэвис жанги бекор қилинди

Бу ҳақда Жейк Полнинг Most Valuable Promotions промоутерлик компанияси ҳамда Турки Ал Аш-Шейхга тегишли дунёга машҳур The Ring нашри хабар берди. Хабарда Жейк Пол иштирокидаги бошқа жангнинг йил охиригача Netflix платформасида ўтказилиши айтилмоқда.

"Жамоамиз вазиятни масъулият ила ҳал қилиш учун барча иштирокчилар билан яқиндан ишлади, - деди Most Valuable Promotions директори Накиса Бидарян. - Биз бу шоуни 14 ноябрда ўтказмаймиз, лекин режаларимизда 2025 йилнинг ўзида Netflix’да Жейк Пол иштирокидаги бокс оқшомини ўтказиш бор". 

"Янги сана, арена, Жейкнинг рақиби ва андеркард жанглари ҳақидаги маълумотлар келишувга эришилгач эълон қилинади", - дея қўшимча қилди Бидарян.

Ўтган ҳафтада Жервонта Дэвис Кортни Росселнинг собиқ дугонаси унга нисбатан ўғирлаш, зўрлик билан озодликдан маҳрум қилиш, калтаклаш ва руҳий азоб беришда айбланиб, фуқаролик даъвосини қўзғатди. Бу Дэвиснинг собиқ дугоналари томонидан зўравонлик бўйича биринчи айблов эмас. Бундан ташқари, боксчи ўтган йили жабрланганлар билан йўл-транспорт ҳодисаси содир этгани учун судланган ва ҳозирда синов муддатини ўтамоқда.

Жейк Пол ва Жервонта Дэвис ўртасидаги кўргазмали жанг 14 ноябрь куни Флоридада Netflix стриминг плафтормасида намойиш этилиши режалаштирилган эди.