20 авг 07:16
Янгиликлар

Бокс/ММА

Брэд Таварес 2 йилдан сўнг UFC'га қайтган собиқ чемпион устидан зафар қучди

UFC 292 турниридан ўрин олган жанглар давом этмоқда.

Прелим карднинг сўнгги жанги ҳам якунланди. Унда ўрта вазн тоифаси вакили, америкалик Брэд Таварес (20-8-0) ҳамюрти, собиқ чемпион Крис Вейдман (15-7-0) билан тўқнаш келди. Жанг тўлиқ давом этди ва унда Таварес очколар ҳисобига кўра Вейдмандан устун келди.

Бу Брэд Таварес учун иккита мағлубиятдан сўнг қўлга киритилган ғалаба бўлди. Крис Вейдман эса 2 йиллик танаффусдан сўнг яна UFC'га қайтди, ачинарлиси, у ўзининг сўнгги учта жангидан буён ғалаба нима эканини билмай келмоқда.