15 мар 08:54
Янгиликлар

Бокс/ММА

Бриедис vs Дортикос. Суперсериянинг финал жанги икки ойга кечиктирилди

Бутунжаҳон бокс суперсериясининг биринчи оғир вазн тоифасидаги финал жанги икки ой муддатга кечиктирилди.

Ҳал қилувчи финалда IBF чемпиони Юньер Дортикос шу вазнда собиқ жаҳон чемпиони, латвиялик Майрис Бриедисга қарши рингга чиқади. Финал жанги 21 март куни Латвия пойтахти Рига шаҳрида ўтказилиши лозим эди.

Лекин коронавирус хавфи сабаб чемпионлик жанги 16 май куни ўтказилиши эълон қилинди. Жанг манзили ўзгармайди. Латвия ҳукумати 200 ва ундан ортиқ киши қатнашадиган барча оммавий тадбирларни вақтинча тўхтатиш ҳақида қарор қабул қилди.