23 июн 09:16
Янгиликлар

Бокс/ММА

"Бриллиант" Жоржия штатида ҳибсга олинди

Енгил вазн тоифасида UFC`нинг собиқ вақтинчалик чемпиони Дастин Порье Жоржия штати полиция маҳкамасига олиб келинган.

Бунга унинг жамоат жойида маст ҳолда юргани сабаб бўлган. Полиция ҳисоботига кўра, америкалик якшанба куни кечқурун ҳибсга олинган ва АҚШ шарқий вақти билан соат 22:00 дан кейин озод қилинган. Душанба куни эрталаб 37 ёшли Порье биринчи марта суд залига олиб келинган, бироқ воқеа тафсилотлари ҳозирча ошкор этилмаган.

Ҳибсга олинган куни "Бриллиант" ижтимоий тармоқда рафиқасининг "Оталар куни"га бағишланган постини репост қилди, унда у икки фарзанди билан суратга тушган.

Жоржия штатида жамоат жойида маст ҳолда пайдо бўлиш бир йилгача озодликдан маҳрум қилиш, 1000 долларгача жарима ёки иккала жазо билан бир вақтда жазоланиши мумкин.

Дастин Порье ўтган йилнинг июль ойида Макс Холлоуэй билан жангдан сўнг профессионал фаолиятини якунлаганди.