"Бриллиант лига". Сафина Садуллаева ҳамда Анвар Анваров иштирок этган Лозанна босқичидаги натижаларимиз билан танишинг

Унда ҳамюртларимздан Сафина Садуллаева баландликка сакраш, Анвар Анваров эса узунликка сакраш дастурида иштирок этди.

11 нафар спортчи иштирок этган баландликка сакраш дастурида 26 ёшли Садуллаева 1.88 м натижа билан бешинчи ўринни эгаллади ва 8 очкога эга бўлди. Шу тариқа, унинг квалификациядаги очколари сони 9 тага етди. Дастур ғолиблиги тажрибали украиналик Ярослава Магучихга насиб этди (1.99 м). У аввалроқ Париж Олимпиадасида ҳам ғолибга айланган эди.

Сафина айни дамда квалификация жадвалида 9 очко билан саккизинчи бўлиб турибди.

Сўнгги мусобақаларида юқори натижалар қайд этиб келган Анвар Анваров эса узунликка сакраш дастурида чиқиш қилиб, 7.64 м натижа қайд этди ва 10 нафар спортчи орасида 10-ўринни эгаллади. Дастур ғолиблиги Грузия вакили Милтиадис Тентоглуга (8.06 м) насиб этди.