05 окт 13:01
Янгиликлар

Олимпия ўйинлари

Brisbane-2032 Олимпиадасининг какаду қушидан илҳомланган логотипи расман тақдим этилди (ФОТО)

Теглар : Брисбен-2032

Австралиянинг Брисбен шаҳрида ўтказиладиган 2032 йилги Олимпия ва Паралимпия ўйинларининг расмий логотипи тақдим этилди.

Унинг дизайни Австралияга хос пушти какаду қушидан илҳомланган.

Аслида логотип икки кундан кейин эълон қилиниши режалаштирилган эди. Бироқ Brisbane-2032’нинг расмий YouTube каналига видео муддатидан олдин қисқа вақтга жойланган ва кейин ўчириб ташланган.

Шундан сўнг Brisbane-2032’нинг Instagram саҳифаси ушбу ҳолатни ҳазил билан қабул қилиб, янги логотипни расман намойиш этди. Логотипда пушти какаду тасвирланган. Австралия музейи бу қушни мамлакат ички ҳудудларининг рамзларидан бири сифатида таърифлайди.

Мазкур қуш илгари Майор Митчелл какадуси номи билан ҳам танилган. Томас Митчелл 1836 йилда уни ўз ёзувларида тасвирлаган. Кейинчалик унинг номи қуш номидан олиб ташланган — бунга Митчеллнинг ўша йили Янги Жанубий Уэльсдаги маҳаллий халқлар билан боғлиқ воқеалардаги роли сабаб бўлган.

Брисбен-2032 Олимпиадасигача олти йилдан камроқ вақт қолди.