27 авг 08:53
Янгиликлар

Футбол

Британиянинг энг бой кишиси Франция клубини сотиб олди

Британиялик миллиардер Жим Ретклифф "Ницца" клуби президентига айланди.

66 ёшли тадбиркорга тегишли бўлган Ineos компанияси Франция жамоасининг акцияларини Aiglonʼдан (Хитой ва АҚШнинг қўшма компанияси) сотиб олган. Келишувнинг тўлиқ суммаси эса 100 млн. еврони ташкил этди.

Ретклифф клубга инвестиция киритиб, уни мунтазам Еврокубокларда қатнашадиган рақобатбардош жамоага айлантирмоқчилиги ҳақида айтган. Шунингдек, у «Швейцария»нинг «Лозанна» клуби раҳбари ҳам ҳисобланади.

Айтиш жоизки, 66 ёшли тадбиркор ўтган йили Буюк Британиянинг энг бой инсони сифатида эътироф этилганди.