"Бу уларга таъсир қиларди". Хабиб жанг пайтида рақиблари билан тез-тез гаплашиб турганини тушунтирди

"Октагон ичида мен рақибларим билан кўп гаплашардим. Камералар буни фақат бир неча мартагина қайд этган, лекин мен ва рақибларим ўртасида кўплаб суҳбатлар бўлиб ўтарди ва бу уларга таъсир қиларди", — дея Нурмагомедовнинг сўзларини келтиради FREAK MMA аккаунти X ижтимоий тармоғида.

"Бургут" ўзининг сўнгги жангини 2020 йил 24 октябрь куни Абу-Даби (БАА) яқинидаги Яс оролида бўлиб ўтган UFC 254 турнирида ўтказган. Ўшанда унинг рақиби UFC’нинг енгил вазн тоифасидаги вақтинчалик чемпиони америкалик Жастин Гэтжи бўлган. Жанг россиялик спортчининг иккинчи раундда бўғиш усули билан қозонган ғалабаси билан якунланган эди. Нурмагомедов учун бу ғалаба фаолиятидаги 29-си бўлганди. Жанг якунлангач, Хабиб аралаш яккакурашлар (ММА) бўйича фаолиятини якунлаганини эълон қилганди.