Бу йил Суперлигада энг катта смета "Насаф"ники эдими?

Ушбу интервью давомида илк бор Ўзбекистон чемпиони бўлган мураббий бир қатор саволларга жавоб берди. Улар орасида пул мавзуси ҳам бор эди.

"Бу йил Суперлигада "Насаф"нинг сметаси баъзи бир клублардан кўра камроқ эди. Тўғри менда аниқ факт ва рақамлар йўқ. Лекин футбол ичида юриб барибир эшитамиз. Масалан, футболчиларга яратилган шароитлар ва маошлар бўйича бизникилардан кўпроқ ойлик оладиганлар борлигини биламан.

"Насаф"да бу йил молия бўйича ҳеч қандай узилиш ва қийинчиликлар бўлгани йўқ. Раҳбарият ва ҳомийларимиз маошлар ҳамда, мукофот пулларини вақтида тўлаб туришди. Бундан ташқари ўтган йилларга нисбатан кўпроқ футболчилар жалб этдик. Футболчи қанча кўп бўлса ўз-ўзидан умумий маош миқдори ҳам кўп бўлади. Раҳбарият олдимизга вазифа қўйди ва бу вазифа учун барча шароитларни яратиб берди", - деди Рўзиқул Бердиев championat.asia сайтига.

Тўлиқ интервьюни бугун 20:00да championat.asia сайтида томоша қилишингиз мумкин бўлади.