Бугун 4 нафар боксчимиз Осиё чемпионати финал чиптаси учун рингга кўтарилади

Бугундан қитъа биринчилигида 1/2 финал баҳслари бошланади. Кун давомида Ўзбекистон терма жамоасининг 4 нафар боксчисига мухлислик қиламиз. Икки боксчи қизларимиз ҳиндистонлик рақибаларига қарши рингга чиқса, яна бири қозоғистонлик дугонаси билан ҳисоб-китоб қилади. Абдуллоҳ Мадаминовнинг япониялик Шион Нишиямага қарши ўтказадиган жанги эса чарм қўлқоп усталаримизнинг бугунги иштирокини якунлаб беради.   

Кундузги дастур жанглари бизнинг вақт билан соат 09:00, кечки дастур эса соат 14:00да бошланади. 

Боксчиларимиз иштирокидаги жанглар:

-70 кг: Ойша Тоирова - Арундҳати Чоудҳари (Ҳиндистон) 10:15

-75 кг: Азиза Зокирова - Ловлина Боргохаин (Ҳиндистон) 10:30

+80 кг: Олтиной Сотимбоева - Дина Исламбекова (Қозоғистон) 15:15

-65 кг: Абдуллоҳ Мадаминов - Шион Нишияма (Япония) 15:30