Бугун 6 нафар боксчимиз Сеулдаги оқшомда рингга кўтарилади (Жуфтликлар+ФОТО)

FW1 Promotion ҳамда "Фавзул Мунаввар" промоутерлик компаниялари ҳамкорлигида ташкил этилаётган ушбу проф бокс оқшомида 6 нафар чарм қўлқоп устамиз рингга кўтарилади. Марказий жанг ҳамюртимиз Эгамберди Нуриддинов ҳамда хитойлик Ма Хоа Жиэ ўртасида бўлиб ўтади. 

Ушбу жанг олти раунд этиб белгиланган. Нуриддинов ҳисобида 1 ғалаба ва 1 дуранг бор. Тажрибали Ма Хоа эса 20 ғалаба ва 1 мағлубият қайд этган. 

Шунингдек, Сеулдаги бокс оқшомида ўзбекистонликлардан Сирожбек Исмоилов, Дониёрбек Ҳайиталиев, Ҳусниддин Мараимов, Довруғбек Ибрагимов ва Шаҳзодбек Толибжоновлар ҳам навбатлаги рейтинг жангларини ўтказишади.    

Боксчиларимиз иштирокидаги жанглар:

Сирожбек Исмоилов - Хё Ҳан Жеон (Жанубий Корея, 4 раунд)

Дониёрбек Ҳайиталиев - Ким Жу Ҳюн (Жанубий Корея, 4 раунд)

Ҳусниддин Мараимов - Вонг-Гу Ли (Жанубий Корея, 4 раунд)

Довруғбек Ибрагимов - Жу Ҳюн Жун (Жанубий Корея, 4 раунд)

Шаҳзодбек Толибжонов - До-Гйом Ким (Жанубий Корея, 4 раунд)

Эгамберди Нуриддинов - Ма Хоа Жиэ (Хитой, 6 раунд)