Бугун Эронда чемпион номи аниқланади. Машарипов ёки Ўрунов олтин медаль олиши мумкин

Эрон чемпионати иштирокчилари сафида тўп тепаётган уччала футболчимиз (Жалолиддин Машарипов, Остон Ўрунов ва Достон Турсунов) учун жуда муҳим аҳамиятга эга. "Персеполис" шарафини ҳимоя қилаётган Остон Ўрунов чемпионликка жуда яқин турибди. Улар 29 та ўйинда 65 очко тўплаган, Машарипов ва унинг жамоаси - "Истиқлол" 64 очко билан иккинчи ўринни эгаллаб турибди.

30-турда "Персеполис" 10-ўриндаги "Мес Рафсанжан"ни қабул қилади. Жалолиддин Машарипов жамоаси 13-ўринни эгаллаб турган "Пайкон" меҳмони бўлади.

Достон Турсунов тўп тепаётган Ҳузистоннинг "Истиқлол"ида ҳам вазият қизиқ. Бу жамоа 29 та ўйинда 25 очко тўплашга муваффақ бўлган ва 16 та жамоа ичида 15-ўринни эгаллаб турибди. Улар сўнгги турда 29 очко тўплаб, 12-ўринни банд қилиб турган "Ҳавадар"ни қабул қилади.

ЭРОН ЧЕМПИОНАТИ ЖАДВАЛИ