01 фев 11:41
Янгиликлар

Хоккей

Бугун "Ҳумо" чемпионат пешқадамларидан бирини қабул қилади

Бугун Тошкентнинг "Ҳумо" клуби Олий хоккей лигаси (ВХЛ) доирасидаги уй учрашувлари сериясини бошлайди.

Евгений Попихин шогирдлари турнир жадвалида 3-ўринни эгаллаб турган Санкт-Петербургнинг "Динамо СПБ" клубини қабул қилишади. Бугунги ўйин олдидан "Ҳумо" мусобақа жадвалида 55 очко билан 7-поғонадан жой олган. "Динамо" ҳисобида роппа-роса 80 очко бор.

"Ҳумо" - "Динамо СПБ" учрашуви соат 17:00да бошланади. Барча хоккей мухлисларини пойтахтимиздаги муҳташам "Ҳумо Арена"га таклиф этамиз. Зеро, бугунги кучли рақибга қарши ўйинда мухлисларнинг қўллаб-қувватлаши жуда ҳам муҳим.