Бугун "Ҳумо" "Кулагер" клубига қарши иккинчи сафар ўйинини ўтказади

Петропавловск шаҳрида жойлашган "А.Винукуров спорт саройи"даги учрашув кечагиси сингари Тошкент вақти билан соат 18:00 да бошланади. Жамоалар ўртасида октябрь ойида бўлиб ўтган икки баҳснинг ҳар иккисида "қанотлилар" ғалаба қозонишган эди. Кеча бўлиб ўтган ўйинда ҳам хоккейчиларимиз 2:0 ҳисобида зафар қучишди.

Маълумот учун, "Ҳумо" айни пайтда 29 та ўйиндан сўнг 41 очко жамғарган ҳолда мусобақа жадвалида 3-ўринни эгаллаб турибди. "Кулагер" жамоаси эса 31 та ўйин ўтказган ва айни дамда 32 очко билан мусобақа жадвалининг еттинчи поғонасида бормоқда.