Бугун "Ҳумо" "Кулагер" клубига қарши илк сафар ўйинини ўтказади

Петропавловск шаҳрида жойлашган "А.Винукуров спорт саройи"даги учрашув Тошкент вақти билан соат 18:00 да бошланади. Жамоалар ўртасида октябрь ойида бўлиб ўтган икки баҳснинг ҳар иккисида "қанотлилар" ғалаба қозонишган эди.

Маълумот учун, "Ҳумо" айни пайтда 28 та ўйиндан сўнг 39 очко жамғарган ҳолда мусобақа жадвалида 4-ўринни эгаллаб турибди. "Кулагер" жамоаси эса 30 та ўйин ўтказган ва айни дамда 32 очко билан мусобақа жадвалининг олтинчи поғонасида бормоқда.