Бугун "Ҳумо" сафарда "Снежные Барсы" жамоасига қарши музга чиқади

Учрашув Тошкент вақти билан соат 18:00 да Қозоғистон пойтахти Нур-Султон шаҳрида  жойлашган "Барыс" аренасида бошланади. Жамоалар ўртасида ноябрь ойида ўтказилган икки баҳснинг ҳар иккисида "Ҳумо" ғалаба қозонган эди. 

Бугунги баҳсда ғалаба қозониш орқали "қанотлилар" мусобақа жадвалида биринчи ўринда бораётган "Сариарка" билан фарқни ўн очкога қисқартириб олиши мумкин.

Ўйин YouTube платформасидаги InSportTV канали орқали трансляция қилинади.