21 июн 09:47
Янгиликлар

Теннис

Бугун Нигина Абдураимова "Уимблдон" турнирида кортга чиқади

Бугун Буюк Британиянинг Лондон шаҳрида теннис бўйича "Катта Дубулға" туркумига кирувчи "Уимблдон" турнирининг саралаш баҳслари старт олади.

Биз учун аҳамиятлиси, аёллар ўртасидаги мусобақанинг саралаш баҳсларида ҳамюртимиз Нигина Абдураимова ҳам ўз омадини синаб кўради. Бугун Нигина саралашнинг илк даврасида туркиялик Ипек Озга қарши кортга чиқади.

Таққослаш учун, мамлакатимизнинг биринчи рақамли теннис маликаси WTA рейтингида 204, Ипек эса 168-ўринни эгаллаб турибди. Бу теннисчиларнинг ўзаро ўтказадиган илк учрашуви бўлади ва бизнинг вақт билан соат 15:00да бошланади.