Бугун Новак Жокович Австралияга етиб боради

Бу ҳақда Tennis Australia раҳбари Крэйг Тили маълум қилди.

Тили шу йил бошида мамлакатдан чиқариб юборилган сербиялик теннисчини маҳаллий жамоатчилик қандай кутиб олиши ҳақида ҳам гапирди.

"Мен Австралия жамоатчилигига ишонаман. Бизда жуда яхши тарбияланган томошабинлар бор - айниқса теннисга ташриф буюрувчилар. Улар бизнинг теннисимизни яхши кўришади, буюк ўйинчиларни, атлетикани, ажойиб ўйинларни томоша қилишдан завқланишади.

Ишончим комилки, мухлислар биз кутгандек муносабатда бўлишади ва бунга ҳурмат билан муносабатда бўлишади", - дея Тилининг сўзларидан иқтибос келтиради The Age нашри.

Маълумот учун, Жокович келаси ҳафта старт оладиган Аделаидадаги турнирда яккалик ва жуфтлик баҳсларида иштирок этади. Жуфтликда унинг шериги Вашек Поспишил бўлади.