10 окт 13:08
Янгиликлар
Оғир атлетика
Бугун Олимпиада чемпионлари Руслан Нурудинов ва Акбар Жўраев Жаҳон чемпионатида чиқиш қилади
Шу кунларда Норвегиянинг Форде шаҳрида оғир атлетика бўйича катталар ўртасидаги Жаҳон чемпионати бўлиб ўтмоқда.
Дунё биринчилигида Ўзбекистон терма жамоасининг икки етакчиси — Руслан Нурудинов ва Акбар Жўраев юртимиз шарафини ҳимоя қилади. Ҳар икки атлетимиз ҳам 110 кг вазн тоифасидаги баҳсларда иштирок этади.
Ҳамюртларимизнинг чиқиши бугун, бизнинг вақт билан соат 22:30 да бошланади.
Маълумот ўрнида, 33 ёшли Руслан Нурудинов ҳозиргача Жаҳон чемпионатларида 3 тадан олтин ва кумуш медалларига эга чиққан. 26 яшар Акбар Жўраев ҳисобида эса дунё биринчиликларининг 2 та олтин медали бор.
Аввалроқ, Ўзбекистон Оғир атлетика федерацияси нима сабабдан Жаҳон чемпионатида фақат Руслан Нурудинов ва Акбар Жўраев иштирок этиши бўйича баёнот берганди.
Ҳавола :
Манба : olamsport.com
Фикрлар