23 апр 08:49
Янгиликлар

Теннис

Бугун Қарши “Фьючерс” турнирининг асосий тўр баҳслари бошланади

Бугун Қарши шаҳрида теннис бўйича “Фьючерс” туркумига кирувчи турнирнинг асосий тўр баҳслари старт олади.

Соврин жамғармаси 25 000 АҚШ долларини ташкил қилувчи мусобақанинг яккалик баҳсларида ҳамюртларимиздан Жўрабек Каримов, Ҳумоюн Султонов, Санжар Файзиев, Сергей Фомин, Саидаъло Саидкаримов ва Павел Цой ўз имкониятини синовдан ўтказади.

Бош соврин учун турнирнинг биринчи ракеткаси япониялик Хироки Мория, иккинчи рақам остида таснифланган россиялик Константин Кравчук, шунингдек Евгений Тюрнев, Дмитрий Жирмонт сингари кучли теннисчилар асосий даъвогар бўлиб туришибди. Айнан Мория шанба куни якунланган Бухоро “Фьючерс” турнирида бош мукофотни қўлга киритганди.