21 окт 15:28
Янгиликлар

Бокс/ММА

Бугун Рамзан Кадировнинг ўғиллари Хамзат Чимаевга секундантлик қилиши мумкин

Хабарингиз бор, бугун БАА пойтахти Абу-Даби шаҳрида узоқ кутилган UFC 294 турнири бўлиб ўтади.

Эътиборга молик жиҳати шундаки, Чеченистон Республикаси етакчиси Рамзан Кадировнинг ўғиллари Хамзат Чимаевни қўллаб-қувватлагани Абу-Дабига етиб келган. Катта эҳтимол билан бугун улар Камару Усманга қарши кечадиган жангда Чимаевнинг бурчагида бўлишади.

Бу ҳақда Хамзат Чимаевнинг акаси Артур Чимаев хабар бермоқда.

"Кеча Рамзан Кадировнинг ўғиллари Ахмат, Эли ва Адам келишди. Биз биргаликда машғулот ўтказдик. Ҳа, улар укамнинг бурчагида бўлишлари мумкин. Рамзан Ахматович ҳам қўнғироқ қилиб, Хамзатга ғалаба тилади", - деди катта Чимаев.

Эслатиб ўтамиз, бугун Хамзат ва Усман ўртасида ўтказиладиган жанг расман даъвогарлар жанги бўлиб, ғолиб ўрта вазнда UFC чемпиони Шон Стриклендга қарши октагонга чиқиш ҳуқуқини қўлга киритади.