09 июн 14:38
Янгиликлар

Бокс/ММА

Бугун Шоҳжаҳон Эргашев Москвада 17-жангини ўтказади

Бугун Россия Федерацияси пойтахти Москва шаҳрида профессионал бокс кечаси бўлиб ўтади.

Оқшомнинг марказий жанги мағлубият ва муроса нималигини билмай келаётган чарм қўлқоп устамиз Шоҳжаҳон Эргашев иштирокида кечади. Ҳамюртимиз ўзининг проф рингдаги 17-жангида россиялик Максим Чурбановга қарши рингга кўтарилади.

Аслида Эргашев бугун Пуэрто-Рико вакили Даниэлито Зорриллага қарши жанг ўтказиши керак эди. Зоррилла проф боксда 11 та жанг ўтказиб, уларнинг бакрчасида ғалаба қозонган (9 та нокаут)ди. Лекин бетоб бўлиб қолгани боис Зорилла Москвага кела олмади.

Шоҳжаҳоннинг бугунги рақиби россиялик 32 ёшли Максим Чурбанов бўлади. Чурбанов фаолияти давомида жами 13 та жанг ўтказган. Ҳисобида 8 ғалаба, 4 мағлубият ва бир дуранг бор. Бир маротаба нокаутга учраган.