Бугун Тбилиси "Катта Дубулға"да оғир вазнли дзюдочиларимизга мухлислик қиламиз, улар орасида Давлат Бобонов ҳам бор!

Мукофот жамғармаси 154 000 еврони ташкил этувчи ушбу нуфузли мусобақада Ўзбекистон терма жамоаси вакиллари ҳам медаллар ҳамда Париж-2024 Олимпиадаси йўлидаги қимматли рейтинг очколари учун баҳс олиб боришяпти. 

Икки кунлик беллашувлар якунига кўра терма жамоамиз 2 та кумуш медаль билан 83 давлат орасида умумжамоа ҳисобида 7-ўринни эгаллаб турибди. Мусобақанинг биринчи куни Сардор Нуриллаев (-66 кг), кеча эса Шарофиддин Болтабоев (-81 кг) терма жамоамизга кумуш медални тақдим этганди. 

Бугун эркаклар -90, -100, +100 кг, аёллар эса -78 ва +78 кг вазн тоифаларида татамига чиқишади. Бугун оғир вазн тоифасида ўтказиладиган беллашувларда 7 нафар дзюдочимизга мухлислик қиламиз. Улар орасида жаҳон чемпиони, Токио-2020 Олимпиадасининг бронза медали совриндори Давлат Бобонов ҳам бор.  

Бугун татамига чиқадиган дзюдочиларимиз:

-78 кг: Ирисхон Қурбонбоева - Натали Пауэлл (Буюк Британия)

+78 кг: Рината Илматова - Акмаржан Турдажиева (Қирғиз Республикаси)

-90 кг: Давлат Бобонов - Роберт Флорентино (Доминикан Республикаси)

-100 кг: Эрназар Сарсенбаев - Мантас Климасаускас (Литва)

-100 кг: Рустам Шораҳматов - Леонардо Гонсалвеш (Бразилия) 

+100 кг: Ўткирбек Тўрабоев - Анто Дубрета (Черногория)

+100 кг: Шоҳруҳхон Бахтиёров - Жамал Гамзатханов (Озарбайжон)