Бугун Тошкентда навбатдаги профессионал бокс оқшоми ўтказилади (Тўлиқ кард)

Buka Boxing Fight Night 2 бокс кечаси доирасида жами 10 та жанг ўтказилиши режалаштирилган. Унда ўзбекистонлик чарм қўлқоп усталаридан ташқари, Россия, Украина, Қозоғистон, Қирғизистон ва Тожикистондан келадиган боксчилар рингга кўтарилади.

Оқшомнинг марказий жанги ўрта вазн тоифасида мағлубият нималигини билмай келаётган ҳамюртимиз Улуғбек Ҳақбердиев (9-0) ҳамда Россия вакили Давид Николаев (11-11-1) ўртасида кечади. Co main event жангида эса икки ўзбекистонлик боксчи - Шукуржон Раҳимов (3-0) ва Олим Ҳусанбоев (1-1-0) тўқнаш келади.

Маълумот учун, бокс оқшоми 18:00 да старт олиши белгиланган. Мухлисларга қулайлик яратиш мақсадида ташкилотчилар баҳсларга киришни бепул этишди.

Турнирнинг тўлиқ карди билан танишинг:

1. Супероғир вазн: Асадбек Маннонов (Тожикистон) - Шокиржон Абдувалиев (Ўзбекистон)

2. Ўрта вазн (72.5 кг): Тимур Саъдуллаев (Ўзбекистон) - Асадбек Исмоилов (Ўзбекистон)

3. Яримўрта вазн (66.6 кг): Халимбек Утегенов (Ўзбекистон) - Рўзибой Мирзажонов (Ўзбекистон)

4. Биринчи ўрта вазн (63.9 кг): Шерзоджон Ҳабибов (Ўзбекистон) - Диёрбек Эргашев (Ўзбекистон)

5. Биринчи яримўрта вазн (63.5 кг): Фарҳоджон Араббоев (Ўзбекистон) - Абдуқодир Аҳадов (Ўзбекистон)

6. Иккинчи ярименгил вазн (58.9 кг): Муҳаммаднуриддин Кимсанбоев (Ўзбекистон) - Қобил Абиркулов (Ўзбекистон)

7. Биринчи яримўрта вазн (63.5 кг): Рўзимуҳаммад Акрамов (Ўзбекистон) - Тоҳир Комилов (Қирғиз Республикаси)

8. Иккинчи ярименгил вазн (58.9 кг): Бекман Сойлибаев (Қозоғистон) - Олександр Егоров (Украина)

9. Енгил вазн (61.2 кг): Шукуржон Раҳимов (Ўзбекистон) - Олим Ҳусанбоев (Ўзбекистон)

10. Ўрта вазн (72.5 кг): Улуғбек Ҳақбердиев (Ўзбекистон) - Давид Николаев (Россия).