Бугун тунда ўтказиладиган UFC Fight Night 254 турнири битта жангидан айрилди

Ушбу турнир кардидан ўрин олган жанглар биттага камайди. Енгил вазн тоифаси вакили  Маркел Медерос ҳамюрти Эван Элдерга қарши октагонга чиқмайди. Бунга америкалик аралаш яккакураш устасининг жароҳати сабаб бўлди. 

Энди Эван Элдер 26 апрель куни Канзас-Ситида ўтказиладиган UFC on ESPN 66 турнири доирасида  октагонга кўтарилади. У жароҳат олган Митч Рамиреснинг ўрнини эгаллайди ва Аҳмад Хассанзодага қарши жанг ўтказади.

Шу тариқа, UFC Fight Night 254 турнири кардида 13 та жанг қолди. Оқшомнинг асосий жанги ўрта вазн тоифасида италиялик Марвин Веттори ҳамда грузиялик Роман Долидзе ўртасида бўлиб ўтади. Ушбу жанг реванш мақомида бўлади. Турнирнинг ко-мэйнивент жангида эса яримўрта вазн тоифаси вакиллари Чиди Нжокуани ва Элизеу Залески дос Сантос ўзаро ҳисоб-китоб қилишади.