18 ноя 08:22
Янгиликлар

Бокс/ММА

Бугун WBC Silver чемпиони Хонободда жанг ўтказади

Профессионал боксда мағлубият нималигини билмай келаётган WBC Silver чемпионлик камари соҳиби Қудратилло Абдуқаҳҳоров бугун Андижон вилоятининг Хонобод шаҳрида ўзининг навбатдаги жангини ўтказади.

Абдуқаҳҳоровнинг рақиби яна бир ўзбекистонлик боксчи Шерзод Алимжонов бўлади. Ана шу жангдан сўнг Қудратилло АҚШга жўнаб кетади ва январь ойида жаҳон чемпионлик камари учун рингга чиқади. Ҳамюртимиз айни пайтда энг нуфузли ҳисобланган WBC йўналиши рейтингида 5-ўринни эгаллаб турибди.

Аслида ҳамюртимиз шу ойда АҚШ заминидаги илк жангини ўтказиши керак эди. Лекин виза муддатини ўз вақтида узайтира олмаган боксчимиз Ўзбекистонга қайтиб келганди.