28 фев 09:06
Янгиликлар

Бокс/ММА

Бугун Холмурод Нурматов ACA 184 турнирида октагонга чиқади

Бугун Россия Федерацияси пойтахти Москва шаҳридаги Irina Viner-Usmanova Gymnastics Palace мажмуасида ACA 184 турнири ўтказилади.

Биз учун аҳамиятлиси, оқшом доирасида ҳамюртимиз Холмурод Нурматов россиялик 28 ёшли Имран Букаевга қарши жанг ўтказади. Кеча жангчилар тарози ҳамда face to face маросимларидан муваффақиятли ўтиб олишди. ACA 184 турнирининг марказий жанги эса икки рус спортчилари — Ислом Омаров ва Алихан Сулейманов ўртасида кечади.

Маълумот ўрнида, Холмурод Нурматов ҳозирга қадар 22 та жанг ўтказиб, 14 ғалаба, 7 мағлубият ва 1 та дуранг қайд этган. Имран Букаев ҳисобида эса 16 ғалаба ва 4 та мағлубият бор.