06 янв 21:16
Янгиликлар

Бокс/ММА

БУМ! Шоҳжаҳон Эргашев Тошкентда қозоқ бокси юлдузига қарши жанг қилади (ПОСТЕР)

Бу ҳақдаги расмий хабарни боксчиларнинг ўзлари ҳам ижтимоий тармоқлардаги саҳифаларида бўлишди.

9 май куни Тошкентдаги "Ҳумо арена" иншооти All Stars Entertainment компанияси томонидан ташкил этиладиган навбатдаги профессионал бокс оқшомига мезбонлик қилади.

Ташкилотчиларнинг маълум қилишича, турнир доирасида биринчи ярим ўрта вазн тоифасида IBF камари учун ўзбекистонлик собиқ даъвогар Шоҳжаҳон Эргашев мазкур турнирда иштирок этади. 34 яшар ҳамюртимизга ўша куни қозоғистонлик тажрибали Батир Жукембаев рақиблик қилади.

Шоҳжаҳон фаолияти давомида шу кунга қадар 28 та жанг ўтказиб, 26 та ғалаба ва 2 та мағлубиятни расмийлаштирган. Эргашев билан тенгдош Жукембаев ҳисобида эса 24 та ғалаба ва 1 та мағлубият мавжуд.