Бунақаси биринчи марта: Дана Уайтнинг ёрдамчиси Dana White’s Contender Series турнирида жанг қилиб, UFC шартномасини қўлга киритиш имкониятига эга бўлади

Эверетт октябрь ойида Dana White’s Contender Series (DWCS) шоу-турнирида иштирок этиб, UFC билан шартнома тузиш имконияти учун жанг қилади.

«Мен бу жангни интиқлик билан кутяпман. У ажойиб йигит ва компаниямиздаги барча уни яхши кўради. Ҳатто унинг рақибига бироз ачинаман. У ўзини гўё душман ҳудудига келгандек ҳис қилиши мумкин, аслида эса бундай эмас.

Бу Каллум Уолш билан бўлган вазиятга ўхшайди. Мен Каллум билан фаолиятининг дастлабки босқичида ишлаганман. Менимча, Zuffa Boxing’га келадиган ҳар қандай жангчи ўзини бегонадай ҳис қилиши мумкин. Гарчи аслида ундай бўлмаса ҳам.

Сен бу ерга келасан ва агар Сал етарлича кучли эканини кўрсата олса, муваффақиятга эришади ва шартномани қўлга киритади. Агар уддалай олмаса, кейин нима қилишини ўзи ҳал қилишига тўғри келади. Бу ҳолатда менда бироз тарафкашлик бўлиши мумкин. Бу ундай эмас, деб айтиш нотўғри бўлади. Аммо ҳар бир жангчига адолатли имконият берилади ва ким кучли бўлса, ўша ғалаба қозонади», — деди Уайт. 

Сал Эверетт (4-0) UFC ходими бўлиб, сўнгги икки ярим йилдан буён Дана Уайтнинг ёрдамчиси сифатида ишлаб келмоқда.