Бунақаси кам бўлади. Асосий жанги бекор бўлган UFC on ESPN 68 турнирининг барча натижалари битта хабарда

Оқшомнинг асосий жанги ўта енгил вазн тоифасида Эрин Блэнчфилд ва Мэйси Барбер ўртасида ўтказилиши керак эди. Аммо жанг сўнгги дақиқаларда Барбернинг соғлиғидаги муаммо сабаб бекор қилинди. Ушбу тўқнашув ғолиби чемпионлик камари учун даъвогарга айланиши керак эди. Асосий жанги бекор қилинган турнирлар жуда кам ҳолатда учрайди. 

Турнирнинг co main-event жанги енгил вазн тоифасида словакиялик Людовит Клайн ҳамда польшалик Матеуш Гамрот ўртасида ўтказилди. Тўлиқ уч раунд давом этган жангда тажрибали Гамрот ҳакамларнинг якдил қарори билан (30-27, 30-27, 30-27) ғалаба қозонди.  

UFC on ESPN 68 турнири натижалари:

Эрин Блэнчфилд – Мэйси Барбер жанги бекор қилинди

Матеуш Гамрот Людовит Клайнни очколар бўйича мағлуб этди (30-27, 30-27, 30-27)

Рамиз Брахимай Билли Гоффни сабмишн билан таслим этди (гильотина усулида бўғиш) – биринчи раунд, 3:16 дақиқа

Дастин Жейкоби Бруно Лопесни нокаут қилди (зарба) – 1-раунд, 1:50

Кетлин Виейра Мэйси Чиассонни очколар бўйича ютди (30-27, 29-28, 29-28)

Зак Риз Душко Тодоровичдан устун келди (29-28, 29-28, 29-28)

Аллан Насименто Жафел Фильони енгди (29-28, 29-28, 29-28)

Жордан Ливитт Курт Холобауни техник сабмишн эвазига таслим этди (анаконда усулида бўғиш) – 1-раунд, 1:39

Боладжи Оки Майкл Асвеллни мағлубиятга учратди (29-28, 29-28, 29-28)

Элис Арделин Райани дос Сантосни мағлуб этди (30-27, 29-28, 29-28)