Бутунжаҳон таэквондо федерацияси илк бор виртуал Бош ассамблея ўтказишга тайёр

Бошқарув кенгаши эса пандемия давридаги ҳолатга мослашмоқда.

Дастлаб Бош ассамблея 13 октябрь куни Болгариянинг София шаҳрида ўсмирлар ўртасидаги жаҳон чемпионати доирасида ўтиши режалаштирилган эди. Бироқ ҳозирги вазиятни инобатга олган ҳолда ушбу мусобақа қолдирилди ва Бош ассамблея видеоконференция шаклида ўтказиш ҳақида қарор қабул қилинди.

Бутунжаҳон таэквондо федерацияси унда ҳар бир аъзо федерациядан икки нафар шахсни, бир эркак ва бир аёл кишини рўйхатдан ўтказишни сўради. Бу орқали гендер тенглигини таъминлаш кўзда тутилган.