UZ

Сўнгги янгиликлар

23:49Элит ОЧЛ. "Ал Аҳли" финалда "Кавасаки Фронтале"ни мағлуб этиб, чемпионликка эришди! 0 23:24Дзюдочиларимиздан Душанбе “Катта дубулға” турнирида яна икки медаль! 0 19:55Турки ал аш Шайх Райан Гарсиянинг мағлубиятига муносабат билдирди 0 19:32UFC Махачев жамоаси билан Дубайда музокара олиб бормоқда 0 19:10Патрис Эвра: "Суарес билан жанг ҳазил эмас" 0 18:48Ёш оғир атлетикачиларимиз Жаҳон чемпионатида яна тўрт медални қўлга киритишди 0 18:24Даъвогарлар мусобақаси. Эртага тонгда UFC ўзининг навбатдаги турнирини ўтказади (Барча тафсилотлар) 0 18:02Вардининг эҳтимолий янги клуби маълум 0 17:41Мадримов учун имконият?! WBO Фундорани расман чемпионлик унвонидан маҳрум қилди 0 17:20Сергей Фомин 1/2 финалнинг учинчи геймида "йўқ" бўлиб қолди 0 16:58Илия Топурия UFC’даги навбатдаги жанги санасини эълон қилди 0 16:35"Реал" Алабанинг юқори маош сабаб унинг кетишидан манфаатдор 0 16:14Уч дзюдочимиз иккита медаль учун татамига чиқади (+саралаш баҳсларида галерея ) 0 15:51Karate Combat 54. Бойназаров ва Мокаев иштирокидаги жанглар муддатидан олдин якунланди 0 15:28Дзюдочиларимиз Душанбе "Катта дубулға" турниринининг илк кунида иккита медалга эга чиқишди 0

20 апр 18:18
Янгиликлар

Дзюдо

Бухоро вилояти дзюдосига янги раҳбар сайланди

Теглар :  ДзюдоБухоро
Бугун Ўзбекистон дзюдо федерацияси Бухоро вилояти бўлимининг навбатдан ташқари Конференцияси бўлиб ўтди.

Унда ташкилий масала кўрилди. ZOOM платформасида ўтган йиғилишда Ўзбекистон Миллий олимпия қўмитаси мутасаддилари, Ўзбекистон дзюдо федерацияси ҳамда Бухоро вилояти туризм ва спорт бошқармаси раҳбарияти, Федерациянинг Бухоро вилояти бўлими вакиллари, масъул ходимлар, мураббийлар ҳамда ҳакамлар иштирок этди. Конференциянинг асосий мақсади - Ўзбекистон дзюдо федерациясининг Бухоро вилоят бўлимига янги раҳбар сайлаш эди. 

Конференцияни Ўзбекистон Миллий олимпия қўмитаси раиси ўринбосари, мамлакат дзюдо федерацияси раиси Азизжон Камилов кириш сўзи билан очиб берди.

"Вазият тақозоси билан йиғилишимиз ZOOM платформасида онлайн тарзда бўлиб ўтмоқда. Насиб қилса, яқин кунларда биз Бухорога боришни режага киритганмиз. Қолаверса, ҳозир федерациямизнинг икки масъул ходими Бухорои шарифда бўлиб турибди. Улар бевосита воқеа жойида вилоятда дзюдога қаратилаётган эътибор, мураббий ва дзюдочиларни қийнаётган муаммолар билан яқиндан танишишяпти. Бу бўйича бизга ахборот беришади.  

Ҳеч кимга сир эмас, Бухоро вилояти нафақат мамлакатимиз, балки халқаро дзюдо оиласига ҳам номдор татами усталарини етказиб берган. Бу борада Олимпия ўйинларининг уч карра бронза медали совриндори, икки карра жаҳон чемпиони Ришод Собировни эсга олиш кифоя бўлса керак. Қолаверса, Фарҳод Тўраев, Рамзиддин Саидов, Камол Муродов каби халқаро майдонда ном қозонган дзюдо усталарини айтиш ўринли бўлади. Ўзбекистон Республикасида хизмат кўрсатган спорт устози, Олот дзюдо мактаби асосчиси Рустам Тўраев томонларидан амалга оширилган ишлар таҳсинга сазовор. Аммо, сўнгги йилларда натижалар бироз пасайди. Бундан ҳам кўз юма олмаймиз. Бунга ўртада юзага келган авлодлар алмашинуви ҳам сабаб бўлди дейиш мумкин. Бугунги йиғилишимизнинг асосий сабаби ҳам шу. Мақсадимиз – Бухоро дзюдосини янги босқичга олиб чиқишдан иборат. Бунинг учун иш кўзини яхши биладиган, муаммоларни бартараф эта оладиган, мураббий ва дзюдочилар билан самимий мулоқотга киришадиган раҳбарга эҳтиёж сезилади. Бугун биз ана шундай хислатларга эга мутахассис – Очилов Шуҳрат Саидовични Ўзбекистон дзюдо федерациясининг Бухоро вилоят бўлимига раҳбар лавозимига тавсия этамиз. Ўзбекистон Миллий олимпия қўмитаси, Ўзбекистон дзюдо федерацияси раҳбарияти Шуҳрат Очиловга ишонч билдиради. Ўйлаймизки, Бухоро дзюдоси қисқа фурсатда яна аввалгидек етакчилар қаторига қайтади", - деди А.Камилов.       

Шундан сўнг вилоят дзюдоси раҳбарлигига кўрсатилган номзод овозга қўйилди. Конференция иштирокчилари Шуҳрат Очилов номзодини бир овоздан маъқуллашди. 

Онлайн конференция сўнггида Бухоро вилояти туризм ва спорт бошқармаси раиси Исмоил Мирзаев, Ўзбекистон дзюдо федерацияси Бухоро вилояти бўлими масъул ходими Озод Тўраев вилоятда дзюдо спорт тури ривожи йўналишида олиб борилаётган ишлар хақида маълумот бериб, янги раҳбар билан ҳамжиҳатликда самарали фаолият олиб боришларини таъкидлашди.  

Рейтинг:    

Фикрлар

< сўнгги янгиликларни кўриш

Olamsport ни Facebook да ўқиш
учун "Yoqdi"ни босинг