Бухорода “Фьючерс” турнири давом этмоқда

Соврин жамғармаси 25 000 АҚШ долларини ташкил қилувчи мусобақанинг асосий тўридан 7 нафар теннисчимиз ўз иштирокини бошлаганди. Улардан фақатгина икки нафари иккинчи даврага йўл олди. 

Асосий тўрга имтиёзли йўлланма асосида қўйилган Ҳумоюн Султонов россиялик Артур Шахнубарянни 6:1, 7:6(5) ҳисобида мағлуб этди. Бешинчи рақам остида таснифланган Санжар Файзиев эса яна бир вакилимиз Ботир Сапаевдан 6:3, 6:0 ҳисобида устун келди. 

Жўрабек Каримов, Аҳад Эрматов, Павел Цой ва Саидаъло Саидкаримов илк даврадаёқ рақибларига имкониятни бой бериб, яккалик баҳсларидаги иштирокларини якунлашди.