07 июн 11:04
Янгиликлар

Бокс/ММА

"Бузиб ташлайман!" Мокаев Жумагуловни мағлуб этган жангчига "вызов" ташлади

Келиб чиқиши доғистонлик, ҳозирда Британия шарафини ҳимоя қилаётган UFC жангчиси Муҳаммад Мокаев америкалик Жефф Молинани октагонга чорлади.

Молина UFC Вегас 56 турнирида қозоғистонлик Жалгас Жумагуловни мағлубиятга учратган эди.

"Жефф Молина, мен сен билан Францияда (сентябрь) ёки Абу-Дабида (октябрь) жанг қилмоқчиман. Ишон, бузиб ташлайман!" — дея ижтимоий тармоқдаги саҳифасида хабар қолдирган Мокаев.

Маълумот учун, Мокаевнинг UFC промоушенидаги дебюти америкалик Коди Дёрденга қарши бўлиб ўтганди. UFC Fight Night 204 турнири доирасида кечган ушбу жангда Муҳаммад рақибини биринчи раунднинг 58-сониясида бўғиш усули билан мағлубиятга учратган эди.

Аввалроқ, Мокаевнинг кейинги рақиби америкалик Чарльз Жонсон бўлиши ва ушбу жанг 23 июль куни UFC Fight Night турнири доирасида ўтказилиши айтилган эди.