05 авг 15:40
Янгиликлар

Теннис

Canadian Open. Винус Уильямсдан ўтган Камилла Рахимова дунёнинг 36-ракеткасини ҳам таслим этди

Ўзбекистонлик теннисчи Камилла Рахимова Канаданинг Торонто шаҳрида ўтаётган National Bank Open Presented by Rogers (WTA 1000) мусобақасининг учинчи босқичига чиқди.

Иккинчи даврада Камилла тажрибали чехиялик теннисчи Катерина Синяковани 6:7(1), 6:0, 5:2 ҳисобида мағлуб этди. Рақиб учрашувни давом эттира олмагани сабабли ғалаба Рахимова ҳисобига ёзилди.

Синякова — WTA турининг энг тажрибали теннисчиларидан бири. У жуфтлик баҳсларида собиқ дунё биринчи ракеткаси, кўп карра “Катта дубулға” чемпиони ҳисобланади. Ҳозирда эса яккалик рейтингида 36-ўринни эгаллаб турибди.

Дунё рейтингида 83-поғонада бораётган Камилланинг учинчи босқичдаги рақибаси бугун аниқ бўлади.