10 апр 09:27
Янгиликлар

Шахмат

Candidates Women Tournament 2024. Пешқадам ўзгармади, 4 та партиянинг барида муросаю мадора + ЖАДВАЛ

Теглар : Candidates Women Tournament 2024

Хабар берганимиздек, шу кунларда Канаданинг Торонто шаҳри шахмат бўйича жаҳон тожи учун Candidates Tournament 2024 турнирига мезбонлик қилмоқда.

Аёл шахматчилар мусобақасида хитойликлар Лэй Тинцзе, Тань Чжунъи, ҳиндистонликлар Хампи Конеру, Рамешбабу Вайшали, украиналик Анна Музичук, болгариялик Нургюл Салимова, FIDE байроғи остида иштирок этаётган Александра Горячкина ва Катерина Лагно тож даъвогарини аниқлаб бериш учун баҳс олиб боряпти.

Бешинчи турда хитойлик Тан Чжунъи оқ доналарда ўйнашига қарамай, болгариялик Нургюл Салимовани енга олмади. Шунга қарамай, Чин юрти вакиласи 3,5 очко билан турнир жадвалидаги пешқадамлигини сақлаб қолди. Бунга қолган партияларда ҳам дуранг натижа қайд этилгани сабаб бўлди.

Candidates Women Tournament 2024. 5-тур натижалари

Тань Чжунъи (Хитой) — Нургюл Салимова (Болгария) — 1/2:1/2.

Хампи Конеру (Ҳиндистон) — Александра Горячкина (Россия) — 1/2:1/2.

Рамешбабу Вайшали (Ҳиндистон) — Анна Музичук (Украина) — 1/2:1/2.

Лэй Тинцзе (Хитой) — Екатерина Лагно (Россия) — 1/2:1/2.

Маълумот учун, Candidates Tournament 2024 турнирнинг умумий мукофот жамғармаси 750 000 еврони ташкил этади. Умумий суммадан 500 минг доллари эркаклар, 250 минги аёллар ўртасидаги турнирга тегишли. Яъни, эркак шахматчилар мукофот пулини аёлларга қараганда икки барабар кўпроқ олишади. Эркакларда ғолиб 48 000, аёллар эса 24 000 еврони қўлга киритади.