Царукян: "Агар Руффига ютқазсам, чемпионлик жангини бошқа ҳеч қачон кўрмайман"

"Олдинда мени Маурисио Руффи билан катта жанг кутиб турибди. Ўйлашимча, айни дамда у дивизионимиздаги энг яхши зарбачи. У хавфли рақиб. Мен Маурисио Руффига қарши жангни худди чемпионлик жанги каби қабул қиляпман. Мен учун ҳар бир жанг муҳим. Машғулотлар лагерида бор кучимни беряпман. Агар енгилсам, чемпионлик жангини бошқа ҳеч қачон кўрмайман. Шу боис, мен ғалабага жуда чанқоқман ва мотивациям юқори.

Бу лаҳза учун жуда кўп меҳнат қилдим. Мен уни, айниқса, унинг зарба бериш техникасини сира камситмаяпман, шунинг учун жанг давомида жуда ақлли ҳаракат қилишим керак – унинг зарбаси кучли ва у кўплаб рақибларини нокаутга учратган, аммо ҳозир менинг вақтим. Менда жанг учун яхши режа бор ва у мукаммал ишлайди. Бу осон жанг бўлади демаяпман. У оғир кечади, лекин ғалаба қозонадиган инсон мен бўламан", — деди россиялик жангчи ижтимоий тармоқларда эълон қилинган видеода.

Енгил вазн тоифасидаги беш раундлик жанг 19 сентябрь куни Лос-Анжелесда бўлиб ўтадиган UFC 331 турнирининг иккинчи асосий воқеаси (co-main event) мақомига эга.